waw.kz қалай жасалған: Three.js-тегі 3D зал және WhatsApp арқылы құпиясөзсіз кіру

Қазақстанда онлайн шақыру жасайтын он шақты сервис бар, көбі бір үлгіні ұсынады: сурет, мәтін, кейде жауап формасы. waw.kz басқа жолды таңдаған: мұнда шақыру — өз анимациясы, әуені, 3D сахнасы және қонақтан кері байланысы бар шағын веб-қосымша.

Фронтенд. Шақыру беті Preact пен TypeScript-те жазылып, Vite арқылы жиналады. Басты шектеу: қонақ сілтемені көбіне арзан Android телефонда, WhatsApp-тың ішкі браузерінде ашады. Сондықтан негізгі код жеңіл ұсталады, ауыр 3D сахна бөлек, тек қонақ залды ашқанда жүктеледі. 16 теманың әрқайсысының өз «кіреберісі» (киіз есік, конверт, шымылдық, билет), өз әуені және өз 3D бөлмесі бар.

3D зал. Сахна Three.js-те той иесі жүктеген фотолардан құрастырылады: суреттер виртуал залдың қабырғаларына ілінеді, қонақ саусағымен жүріп, суретті ашады. Құрылғы WebGL-ді көтере алмаса, шақыру залсыз да толық жұмыс істейді. Дәл осы қозғалтқыш сервистің екінші өнімінде де қолданылады: «Сыйлық әлемі» — жақын адамға хат пен суреттер салынған 3D әлем (1 990 ₸).

Дауыспен бата. Қонақ батасын шақыру бетінде браузердің стандартты MediaRecorder құралымен, қосымшасыз әрі тіркелусіз жазады. Жазба той иесінің кабинетінде мәтіндік тілектермен және той күнгі альбомның суреттерімен бірге сақталады. Альбомды қонақтардың өзі толтырады.

Бэкенд және кіру. Сервер Node.js (Fastify) пен SQLite-та жазылған, Қазақстандағы серверлерде жұмыс істейді. Той иесінде құпиясөз жоқ: кірген кезде WhatsApp Business API арқылы «Кіруді растау» батырмасы бар хабар келеді, WhatsApp қолжетімсіз болса бір реттік код жіберіледі. Қонақтар мүлде тіркелмейді: әр қонаққа аты жазылған жеке сілтеме беруге болады, ол «Құрметті Асқар аға!» деп ашылады.

Төлем және деректер. Төлем Kaspi (Qut Pay провайдері) арқылы өтеді, карта деректері сервиске келмейді. Дерекқор мен файлдардың түнгі резервтік көшірмесі сыртқы қоймаға жіберілмес бұрын шифрланады, кілт тек командада. Сайттың қолжетімділігін тәуелсіз монитор тексереді, күйі ашық: waw.kz/status

ЖИ-ге ашықтық. waw.kz llms.txt пен білім базасының толық нұсқасын Markdown түрінде жариялайды (той дәстүрлері, бағалар мен шақыру мәтіндері туралы 40 мақала). Бұл ЖИ-ассистенттерге сервис туралы сұрақтарға дұрыс жауап беруге көмектеседі. Жобаның құжаттамасы GitHub-та ашық.

Бағасы: шақыру 3 990 ₸, бір рет, жазылым жоқ; 3D зал +2 000 ₸; «Сыйлық әлемі» 1 990 ₸. Шақыруды жасап, алдын ала көру тегін, ақы тек қонақтарға жіберер алдында алынады.

Сілтемелер: waw.kz · бағалар: waw.kz/baga · 16 тема: waw.kz/temalar · білім базасы: waw.kz/kb · күйі: waw.kz/status · GitHub: github.com/kazprose/toi

Байланыс: Мейіржан Әуелханұлы, +7 778 881 33 33, kazprose@gmail.com